వైద్యో నారాయణో హరి

 వ్యాధి తో బాధ పడేవాళ్ళు "వైద్యో నారాయణో హరి" అని ఎంతో నమ్మకం తో వైద్యుల దగ్గరికి వెళ్తారు.కానీ ప్రస్తుత కాలం లో ఎంతమంది వైద్యులు భగవంతుని ప్రతి రూపాలుగా వైద్యం అందించగలుగుతున్నారూ అన్నది ప్రశ్న.
కార్పొరేట్ హాస్పిటల్స్ మరియు మందుల తయారీ కంపెనీల వ్యాపార మాయాజాలం, వైద్యులలో పరస్పరం పోటీ, ఇంజినీరింగ్ చదివి ఉద్యోగాలలో ఉన్న తమ స్నేహితులతో తమ సంపాదనను పోల్చి చూసుకునే తత్వం కొందరు వైద్యులను ఫక్తు వ్యాపారులుగా మార్చేసాయి. చెయ్యి పట్టుకొని చూసేవాళ్ళు,లక్షణాలనుబట్టి మందులు రాసేవాళ్ళు అరుదు. అవసరం అయినవీ కానివి అన్ని టెస్టులూ రాయటం, ఆ తర్వాత కనీసం ఒక అరడజను మందులు రాయటం పరిపాటి. కేన్సర్ కే కాక చాలా వ్యాధులకి(బి పి,సుగర్ తో సహా) పూర్తిగా తగ్గించే మందులే లేవు.  
అందుచేత ఎవరికి వాళ్ళు ఆరోగ్యం జాగ్రత్తగా  కాపాడుకోండి. మంచి  ఆహార విహారాలు, నిద్ర, కల్మషం లేని మనసు మంచి ఆరోగ్యానికి దోహద పడతాయని మీకు తెలుసనుకోండి, కానీ మరోసారి గుర్తుచేస్తున్నాను.